CANMAKE TOKYO

極緻三用粉嫩眼妝筆

首先多謝CANMAKE同@Cosume提供今次嘅試用機會~今次使用嘅產品係極致三用粉嫩眼妝筆嘅02同03色。02就係橙啡色，然後03係粉色。

呢款產品主要係攞嚟畫臥蠶同加深雙眼皮嘅，不過我就冇雙眼皮，同埋呢兩隻色畫臥蠶就有d淺色，我自己用落就比較奇怪，所以我就會攞嚟畫日本所稱嘅地雷線~佢係畫喺下眼睫毛邊邊嘅位置，詳細可以睇圖2同3。呢隻眼妝筆筆刷非常幼，所以真係好容易使用又唔會畫出界~不過就隻色就未必畫一下就見到，所以就要畫多兩三下先出到色。02色就可以用作啡色系嘅眼狀，而03色就可以用喺粉色系嘅眼妝。加咗地雷線可以令隻眼緊加有神，同埋令眼妝有更多層次~而且02色比較似暗影嘅顏色，可以喺畫眼線嘅下面先畫一層，令眼線更加自然~

總括而言，雖然呢隻眼妝筆對我嚟講只有一個功能，但係筆刷好容易使用同cp值高，會再回購嘅😊