CANMAKE TOKYO

絲滑潤澤蜜粉

首先感謝CANMAKE同@Cosume提供今次嘅試用機會~今次使用嘅產品係CANMAKE嘅絲滑潤澤蜜粉~呢個產品有兩隻色，01貼近自然膚色嘅肉色，02係薰衣草紫色，兩隻色都各有好處。

包裝方面，佢嘅大細接近掌心嘅size，而且都幾厚，cp值幾高。而且冇諗過呢個價錢個粉撲質地非常好，係厚身同毛毛好舒服嘅粉撲~非常好用！

01隻色可以增加血色，而02隻色可以令皮膚白d同提亮。同CANMAKE嘅透亮美肌蜜粉餅比較，此商品就冇太多遮瑕力嘅。我本身係混合肌偏油性，所以平時都會上多d粉嚟控油。通常其他蜜粉都係比較乾爽同吸油嘅，所以會連我d皮膚好易乾燥同卡粉。但係呢隻蜜粉比較濕潤，所以用上嚟又可以控油，但係唔會令到塊臉乾燥，真係解決咗我一直以來嘅煩惱🥲而且今次試用嘅時期係春天，有時好熱又有時好濕焗，係呢d日子使用嘅時候都冇好乾或者吸唔到太多油嘅問題，所以對我呢d難搞嘅膚質真係恩物🥰

總括而言，呢隻蜜粉cp值非常高，而且對一d混合肌局部油性局部乾燥嘅人真係啱啱好😭我特別鍾意02隻色，因為佢真係好明顯地提升妝容嘅透明感~兩隻色都絕對會回購嘅🥰