CLINIQUE

勻淨科研補濕亮肌精華水

好多謝被@cosme抽中試用CLINIQUE既升級版勻淨科研補濕亮肌精華水
.
精華水係主打保濕、淡斑、提亮同高效抗氧、舒緩鎮定抗炎, 含有專利醫學級既提亮成份CL302配方。同時@cosme提供升級版勻淨科研亮白淡斑雙效精華俾我一齊試用, 兩款產品一齊使用會可以將精華浸透至肌底既速度加快11倍, 倍大亮鑽效果。
.
升級版勻淨科研補濕亮肌精華水既瓶身係用白色同銀色既塑料外殼。我最鍾意既係佢既樽口設計, 係有少少突出黎, 唔似一段既平口設計, 佢唔會一下子就倒左好多精華水出黎, 容易控制份量同唔會流到周圍都係。精華水100%不含香料, 所以近乎沒有香味。質地好清爽, 吸收時間好快, 完全不黏膩。


我會將升級版勻淨科研補濕亮肌精華水先倒水約10蚊銀既份量於掌心, 再用雙手搓揉均勻再輕輕按壓上臉, 之後再係臉上輕拍等佢地稍為吸收, 之後就會立即用Laser淡斑去印精華大約1泵份量塗抹全臉, 好快就吸收完, 唔會黏笠。
.
使用7日之後覺得塊面既膚色有所提亮, 之前既暗黃有稍為改善, 肌膚亦都緊緻左, 保濕度就唔太夠, 不過因為而家天氣係比較濕氣重, 所以冇乜問題, 但如果係冬天既話應該要配合返一隻比較保濕既面霜。因為之前岩岩病完既關係, 面上又爆左瘡, 所以暫時睇唔到淡斑去印既效果, 亦可能因為只係用左7日, 時間比較短就仲未有明顯既分別, 會繼續使用觀察。但係係爆瘡期間搽依個精華水, 好似佢地痊癒既速度係快左, 留低既印係淡過以前, 唔知同支精華水包含玉露抗炎舒緩復合物有冇關係, 佢既介紹係鎮靜皮膚免受刺激、預防皮膚炎症同埋修護肌膚屏障。而我係使用期間冇出現任何敏感情況。