Benefit

清潔滑溜潔面泡沫

感謝@cosme 既The POREfessional 系列試用裝。
一開始見到個名叫潔面泡沫同包裝係按壓式，以為係一按就出泡沫既潔面產品，點知唧出嚟係透明啫喱狀要自己起泡，有少少失望。

呢枝潔面唧出嚟有少少香味，唔會過濃，聞落唔會覺得刺鼻。我淨係用手起泡，起泡能力一般，可能要配合起泡產品先做到好濃密既泡泡。

用佢清潔之後，皮膚唔會覺得乾燥，摸上手都會平滑咗，膚色感覺上有透亮咗少少。
連續使用咗14日，睇返相見唔到毛孔有好大改善。不過有幾日生暗瘡，暗瘡都比之前嗰啲謝得快，所以就算喺今次體驗入面未感受到佢收毛孔既效果，我都會繼續用佢洗面。

效果圖：
⬇️第一次使用前⬇️第一次使用後，洗面後未搽護膚品⬇️連續使用十四日，洗面後未搽護膚品