Benefit

緊緻毛孔爽膚泡沫

多謝@cosme 今次抽中我可以試用benefit呢set PORE CARE 毛孔護理系列，可以收細毛孔控制出油嘅試用裝😊

我已經好耐都冇用過有果酸成份嘅護膚品，因為我唔算係好敏感嘅皮膚，但之前試過用果酸同埋有玫瑰花成份嘅護膚品我有敏感紅腫要去睇醫生，所以就冇再用啦！🫠

但係都過左好多年，今次再遇到果酸成份嘅護膚品，我都想比多次機會佢睇下，亦都想睇下我自己啲皮膚有冇變好左，可能可以接受到果酸？

見到簡介寫含有高效AHA果酸成份：甘醇酸，檸檬酸，再加入PHA葡萄糖酸黎平衡返個配方，可以去除老化角質層同緊緻毛孔

由於我真係好想緊緻毛孔，所以都滿心期待咁去試，我大概泵左2下泡泡，佢啲泡泡唔算豐盈，比較水狀，好快就會變返水咁🤔

搽上面已經feel到明顯嘅刺激感，吉吉下同埋都幾「那」，呢個感覺唔係搽左上去幾秒就冇，係keep住有呢個刺激感，直至吸收哂/揮發晒，呢個感覺係唔討好嘅，對於我黎講係偏刺激，雖然最後係冇任何紅腫或者脫皮
但呢隻感覺我就覺得我接受唔到，我都有搵朋友幫手試下，佢皮膚比較厚角質，冇咩保養，平時少敏感，感覺都係一樣，偏刺激性。

如果皮膚好薄，容易敏感真係唔建議用呢啲高效果酸，用返低刺激性嘅產品會好啲。😊