HELENA RUBINSTEIN

REPLASTY 修復晚霜 (黑繃帶晚霜)

多謝@cosme 抽中我, 比我有機會試用HR品牌嘅Replasty修復晚霜(黑繃帶晚霜), 今次係我第一次用呢個"貴婦醫美品牌"嘅產品, 最近搬屋, 休息時間都唔夠,就連屋企有家用美容儀可以護下膚都冇心力去做，個人皮膚殘左好多，毛孔都粗大左，所以今次有得試用呢個HR品牌嘅面霜係開心嘅
一打開個面霜係有隻香味，我本身唔係太好香味，不過只要唔係好濃烈唔討好，我都可以接受，呢隻味剛好係我接受範圍之內，依家一打開聞到隻味就會諗起HR😌有個獨特性係幾好嘅
個面範質地唔係cream狀又唔係膏狀
係類似雪葩，有少少似超級滑嘅薯蓉咁嘅感覺😂望落去唔算超細緻嘅質感，有少少沙沙地唔似好易吸收到嘅feel
但係一放上面，第一下係好明顯白色，但係搽多2-3下就完全唔見左，有少少搽完好似冇搽咁，果下唔會覺得真係吸收左會滋潤左水潤左嘅感覺

但係第二朝起身，照鏡果陣就會發現皮膚係細緻左，訓醒一晚之後竟然冇乜出油，平時我呢啲混合性偏油嘅皮膚，訓醒教係會有幾明顯嘅面油，需要即刻洗面去走油光油脂
但用左呢個面霜之後，我發覺好似有幫我控制到水油平衡，真係冇咁容易油光滿面，個效果都真係幾滿意👍🏻
朝早洗完面未搽護膚都會好乾淨乾爽嘅感覺，唔再係洗完都仲未洗得好乾淨咁
短短三四日已經有呢個效果，唔怪之得呢個貴婦級價錢都有咁多人用同埋想試
有budget真係可以買正貨裝試下睇下可以改善到幾多☺️