Benefit

緊緻毛孔爽膚泡沫

感謝@cosme 既The POREfessional 系列試用裝。
呢枝緊緻毛孔爽膚泡沫係收到試用系列入面我最鍾意既產品。
作為帶酸性既爽膚用品，佢冇一般嗰啲有陣刺鼻既味道。而且泡沫好方便，唔洗額外用化妝棉去抹。

一開始用既時候覺得泡沫消得有點快，後來發現按出嚟嗰下快狠準既話，泡泡會消得冇咁快，可以慢慢拍上面。
第一次用嗰陣洗完面，皮膚仲微微濕潤時，搽完塊面覺得拮拮地，要過十幾秒先冇再拮既感覺。後來乾手乾面用既話就冇呢個問題。

由於佢係酸性，我只會每日用佢一次，怕早晚用會對皮膚刺激性較大。每朝用完爽膚泡沫就用需要酸性環境既維他命C精華，可以有助吸收。

連續用咗14日，加上同系列潔面泡沫，覺得新生既暗瘡謝得快咗，皮膚都有滑咗。不過提返大家，早上用酸類產品記得要搽防曬，如果唔搽防曬，有機會增加曬傷曬黑同光敏感既風險。