BOBBI BROWN

蟲草抗氧修護精華粉底液

好開心可以收到呢支蟲草抗氧修護精華粉底液，夜晚有Dating, 即刻就要試用睇下效果。
淨係講個外表已經好有質感，黑金加暗花。泵樽方便衛生。有淡淡既蟲草人蔘香，感覺天然。我用既色號係 natural sand N030，100％ match我上面既顏色🥰

Before- 我自己既皮膚問題都比較多， 毛孔粗大，有色斑，膚色唔均勻，面色泛黃，乾油肌等等。 不過我自己鍾意嘅粉底效果偏向自然， 透光調整到膚色同埋修飾到毛孔就夠， 如果要重點遮瑕嘅話我會交返畀遮瑕膏。 最驚化完底妝好似帶咗個面具咁，同埋驚乾會甩皮。After- 薄薄搽咗一陣層，佢延展性好好，好易推，一泵上全面既效果，呢支遮瑕度唔高，但都夠遮紅印，可以均勻膚色同埋提亮都做得好好，我咁粗大既毛孔都遮到60％。而且一d都唔乾重覺得好滋潤， 用完就好似自然透光嘅皮膚咁，可以偽素顏。因為產品介紹用一泵係緞光肌，兩泵就奶油肌既效果，所以我都試下用多一泵試試佢。 光澤度稍為低少少但黑眼圈同毛孔色班都遮多咗d, 令皮膚望落更精緻而且依然自然透光。整體都覺得呢支粉底液好岩我，係我鍾意既妝感。