YSL BEAUTÉ

恆時啞緻蜜粉

好多謝被@cosme抽中試用YSL既ALL HOURS SETTING POWDER恆時啞緻蜜粉

我本身既膚質係混合肌，鼻頭同兩頰會有輕微出油，同埋最近兩頰有少少印。蜜粉盒蓋係黑色既霧面，配合返依個蜜粉既主題就係啞緻。蜜粉上壓上YSL 字樣，好有高級感，亦有輕微既香味，我幾鍾意依個香味。係白色透明既蜜粉，粉質好細緻又好貼服，隨盒亦附送一個粉樸，方便使用。
配合埋YSL ALL HOURS FOUNDATION恆時輕透霧光粉底之後用，一開始上蜜粉既時候會覺得有少少白，但當蜜粉同粉底融合左之後就會變到好自然，有霧面既效果。直到夜晚都冇暗沉亦唔會覺得乾，妝容大致完整。全日基本上冇出油，係去到夜晚既時候面頰有少少油，但會變左有種奶油肌既感覺，係另一種既好睇。