SkinCeuticals

抗醣活膚緊緻霜 (彈弓面霜)

多謝@cosme嘅試用邀請。AGE interrupter advanced係我想試好耐嘅面霜， 30歲後開始保養都要考慮埋抗衰老，研究咗好多唔同嘅成份，最想試嘅都係pro-xylane, 而呢款面霜嘅濃度絕對係比較高嘅一款。
呢排嘅天氣突然溫差好大，喺咁嘅日子皮膚狀況都比較唔穩定。就算一星期敷2日面膜，朝早起身都會見到鼻樑同臉周有d細細嘅乾紋，摸上去有少少粗糙感。
呢個星期嘅試用主要係只有夜晚用，質地係偏硬嘅膏狀，喺手上搓開之後再搽上臉，薄搽嘅話大約10分鐘就吸收晒，而厚少少可以維持到整晚嘅滋潤感。朝早訓醒仲會覺得皮膚好有光澤，毛孔比平時更加細緻。連續用7日之後鼻樑嘅細紋變得冇咁明顯，化咗妝全日都冇顯現返出嚟。