SkinCeuticals

抗醣活膚緊緻霜 (彈弓面霜)

感謝@cosme 邀請試用SkinCeuticals「抗醣活膚緊緻霜」（別號彈弓面霜）收到試用本後爭取時間立刻試用，報告返試用14日後嘅情況先！

人生總有喜怒哀樂，隨住年齡增長，面部就無可避免會出現皺紋、表情紋、抬頭紋🥲所以都係時候晌皮膚護理程序加入埋抗皺呢個主題了⋯

「彈弓面霜」質地似雪葩狀，塗抹感覺幼滑，即時效果就已經有撫平同填補細紋嘅間隙（當然短時間就無可能令條紋永久消失啦），就好似primer咁，仲有淡淡嘅草木香，令人有治癒感。

使用後再接續用其他護膚品同化妝品唔會產生碎屑或者揉合唔到嘅情況。皮膚望落滑左，膚色柔和左。唯一有少少影響係畫眉時因為搽完彈弓面霜眉位附近太滑，個眉型好難畫得sharp😂

我將彈弓面霜搽晌額頭、眉心、法令同埋頸，再觀察皮膚嘅變化，額頸皺紋係有輕微淡化，而頸嘅皮膚亦有細嫩緊緻左。

抗皺淡紋係長期嘅鬥爭，彈弓面霜嘅臨床實證用左12星期去測試效果，我今次係試用性質，做左1/6就要報告，所以改善幅度亦不可能太戲劇化，但今次嘅使用體驗相當可喜！有心改善皺紋嘅用家可以考慮試試！