Dior

LE BAUME 全效修護萬用霜

先講講我膚質，面部皮膚易敏感泛紅；手有濕疹，因為工作需要，要時時洗手，十分容易乾燥痕癢，甚至乾裂，又痕又痛。
是次有幸獲得Dior 全效修護萬用霜體驗，產品聲稱能修復肌膚屏障、保濕、舒緩泛紅乾癢，於是我連續使用10日。
萬用霜質地是霜狀，對於我面部皮膚來講，夏天時初塗上面時感覺稍為有少少笠，但勝在快吸收。
早上我會當妝前乳霜用，薄薄塗上面，發現妝容比平時貼服，沒有卡紋、浮粉情況。
然後晚上我會當晚霜使用，潔面後，份量比早上塗厚少少。
連續使用10日，感覺面部皮膚泛紅情況比第一日少，有改善，唔再係一起身就兩面通紅。
另外，我亦重點塗於雙手有濕疹位置連續10日，盡量每次洗完手都會補塗。神奇的是，我左手手指關節裂開的位置，之前無論用甚麼藥膏、潤膚霜，都好唔到，但用了萬用霜3日，己經不知不覺間復原，不痛不癢。其他濕疹位置亦有改善，痕癢感明顯滅少，每次洗完手都乾燥，有白色皮紋，每次一塗萬用霜，這些白色皮紋都會消失，而且係十分快吸收，做到滋潤而不黏笠。
最後，Dior 全效修護萬用霜的瓶身設計呈鵝蛋形，設計輕巧，放在手袋不佔位置。