KAMINOWA法之羽

養髮液

多謝@cosme 畀機會我試用養法之羽KAMINOWA嘅全套生髮養髮產品！今次試用嘅產品包括養髮液、生髮素、有機防脫洗髮露及護髮素。


隨住年齡增長，同埋長期要捱夜工作，生活壓力越來越大，我留意到我自己嘅額角嘅頭髮開始稀薄，有山羊角禿嘅趨勢。之前都試過用其他唔同嘅防脫髮洗髮水之類嘅產品，但幫助都不大。今次收到試用產品之後，我用咗大概六星期。


我講一講我個人嘅髮質先。我係長頭髮嘅，頭髮質地比較細軟。從來冇試過燙髮或者染髮，但係平時洗完頭都會甩到一地係頭髮。頭髮唔算容易出油，髮尾比較乾旱，算係中性髮質。


今次試用嘅呢一隻養髮液，樽身好似一枝防曬乳咁樣，方便攜帶，去旅行期間都可以帶出去使用。


呢隻產品冇任何顏色，亦都冇特殊嘅香味，感覺好天然溫和，搽上頭髮之後呈凝露狀，唔會太杰，亦都唔會太稀，質感輕盈不黏笠。比起平時使用其他嘅養髮液，呢隻養髮液更加容易停留喺頭皮部份，一點我係好鍾意嘅。

我睇返資料，原來佢係擁有「生髮酶」，話有助改善血液循環，提升返頭髮再生嘅能力。

我根據返使用說明，喺頭皮處於乾爽狀態嘅時候，早晚各使用一次。因為其實我只係想改善局部頭髮稀疏嘅問題，所以我只需要沿住頭髮稀疏嘅部份搽上養髮液，再用指尖輕輕按摩直至完全吸收。其實使用方法都算幾簡單方便，因為佢嘅質地相當輕盈，所以吸收得好快。
呢個係我使用之前影嘅額角頭髮：

以下係使用兩星期後：

覺得額角開始長出BB毛，生髮效果顯著，而且感覺到真係甩少咗頭髮。

以下係使用六星期後：
額角髮量有顯著提升，有肉眼可見嘅改善，而且真係冇以前咁易斷髮，洗完頭吹頭之後都冇咁多頭髮甩出嚟。

呢隻產品方便使用，成份溫和，完全冇過敏，而且方便攜帶。我之後都會繼續使用呢隻產品，極力推薦畀大家！