INNISFREE

維他命C綠茶酵素透亮精華

收到innisfree 維C極光精華 (維他命C綠茶酵素透亮精華)既試用。我屬於混合性皮膚，皮膚易生暗瘡，生完暗瘡會留低好多暗瘡印。最怕好笠既護膚品，而依支精華質地好水好易推。啱啱搽上面以為有啲笠，但過咗一陣就吸收哂，變返乾爽，亦都唔會令我敏感爆粒粒，係我鍾意嘅質地。
我根據產品指示早晚都用，當然朝早一定會配合防曬。搽咗兩星期，皮膚未有見到明顯變白左，但下巴暗瘡印有微微減退。本身新陳代謝可能比較慢，暗瘡印都比較難退，兩個星期有明顯淺色咗，都算幾驚喜，會繼續keep住用睇吓效果會唔會更加好。