CeraVe

長效保濕修復乳

好開心抽中@cosme嘅試用邀請，Cerave 長效保濕修復乳。
呢個牌子嘅潤膚乳廣告好多，我之前冇用過，今次係第一次用。適逢呢個冬天呢幾日天氣非常乾燥，收到呢個潤膚乳真係非常及時， 我嘅皮膚係中性皮膚，天氣一乾燥，皮膚就會好乾 。
潤膚乳質地好幼滑，搽上身體之後感覺好滋潤而不黏笠，亦都唔會好油淋淋，真正由皮膚底層吸收。
潤膚乳冇乜香味，所以就算幾時用，或者用幾多都沒有問題 。
我用咗一個禮拜，就算天氣幾乾都好，皮膚都可以維持二十四小時滋潤，感覺好舒服，一啲都唔會好抆抆緊。
仲有平時如果唔搽潤膚乳或者普通牌子嘅潤膚乳，過咗幾個鐘之後 皮膚都係會乾同甩皮，擦咗Cerave 長效滋潤修復霜，乾燥甩皮嘅情況改善咗好多，而且皮膚仲柔滑咗好多。 🥰🥰🥰。呢個牌子將會係我冬天必用嘅潤膚產品 👍🏻