CeraVe

長效滋潤修復霜

首先好多謝@Cosme選咗我試用呢罐修復霜。
我係極度乾嘅沙漠肌，加上住嘅地方係冬天嗰陣要比市區凍一兩度嘅新界。冬天嘅時候，我塊面仲會有啲敏感紅卜卜，仲會甩晒皮，所以我對冬天嘅保濕係極度有要求。除咗要有即刻滋潤嘅感覺，仲要係可以鎖水，而且搽上面嘅護膚品，我會希望佢係冇乜香味，唔會添加咗好多不必要嘅成份。呢一罐CeraVe嘅修復霜完全係符合晒我嘅要求。其實我係抽中試用之前已經係常客，我全家人都用緊佢！（有圖有真相xD）呢一罐又可以搽身又可以搽面，搽完會即刻有一種保濕嘅感覺，質地係偏厚身，一搽左佢喺
皮膚上邊係會有存在感，但係係一種鎖住皮膚水份嘅感覺，而且表面唔會黐笠笠。依家香港呢啲天氣絕對係好適合乾肌使用！夜晚搽咗之後，第二朝起身都仲係會覺得有一種保濕嘅感覺。第二晚沖涼嗰陣用水洗都會感受到修復霜仲喺皮膚表面鎖住水份，唔會話過咗廿四小時就消失晒。你哋見到我before&after嘅相就見到佢有幾屈機。甩晒皮嘅皮膚，一搽就已經會冇晒啲皮。最屈機係就算後續化妝，都完全唔會喺擦膠碎！
大家見到除咗Cosme送俾我試用嗰罐之外，我屋企仲有兩大罐自己俾錢買！我真心超級推介！不過講咗咁多好處，佢都有唯一一個缺點，就係個包裝開口太大，打開會有少少擔心會污染入邊嘅產品。不過你哋見到我屋企有咁多罐，好明顯我都係會無視呢個缺點，照用！xD唯有盡快搽晒佢就唔怕會滋生細菌。