CeraVe

長效滋潤修復霜

好開心今次抽中咗@cosme嘅CeraVe試用邀請❤️

我自己本身已經係好鍾意CeraVe嘅產品，但一路用開嘅都係佢嘅洗臉產品同紫色嗰款skin renewing night cream，一路想試深藍色嘅lotion同cream，但又唔係好識分，所以揀唔到，咁岩今次就可以試下！

咁首先講下質地嘅分別先，呢款moisturising cream比起lotion嚟講，佢係比較杰身嘅膏狀嚟，所以都明顯見到顏色上係比較實色d，水份冇lotion咁高。我自己比較怕搽完痴笠笠嘅感覺，所以本身有少少擔心會唔會搽完好笠。不過實際用落發現都算幾易推開，同埋推開之前搓多一陣基本上好快就吸收，黏笠感唔會維持好耐。

然後到滋潤度，呢款moisturising cream，我覺得最適合係乾肌嘅人，而中性肌膚嘅話，冬天都會好適合。我個人係偏中性肌膚，但冬天偏乾，腳有d位乾到龜裂嘅情況下，呢個滋潤度都好岩用。我自己最鍾意係夜晚臨訓前搽，搽完唔笠之餘，個滋潤度夠我keep到第2日都唔會覺得皮膚好乾燥。大樽口包裝都可以方便如果想厚搽嗰陣，可以一次過拎多d用量。

我自己覺得呢款moisturising cream好適合冬天用，因為佢嘅滋潤度非常足夠，同埋以佢呢個滋潤度嚟講，同類型差唔多價錢嘅產品之中，佢嘅易吸收程度係做得最好嘅。Cerave呢兩款產品，如果用完，我係會打算回購嘅。