CeraVe

長效保濕修復乳

好開心今次抽中咗@cosme嘅CeraVe試用邀請❤️

我自己本身已經係好鍾意CeraVe嘅產品，但一路用開嘅都係佢嘅洗臉產品同紫色嗰款skin renewing night cream，一路想試深藍色嘅lotion同cream，但又唔係好識分，所以揀唔到，咁岩今次就可以試下！

首先喺質地上，呢款moisturising lotion比起cream 嚟講，佢係比較稀身嘅，好明顯可以見到係水份比較高、有少少流質嘅。雖然流質d滋潤度就都知道到低少少，但因為我自己比較怕搽完野痴笠笠嘅感覺，所以我係比較鍾意呢種質地多d嘅。而lotion實際用落都真係好易推開、易吸收，冇黏笠感。

滋潤度嚟講，呢款moisturising lotion，適合係中性肌膚/極度怕搽完野會笠嘅人日常用，自己通常會係日間搽，因為有時例如手指甲邊乾燥，搽完之後有滋潤度之餘完全唔笠，唔會影響我隻手繼續掂其他野。同埋本身佢包裝嘅係唧嘴，日常使用上都比較方便。

所以總括嚟講，CeraVe嘅產品冇令我失望，兩款產品嘅滋潤度同吸收速度都好好。
我自己覺得lotion同cream都各自有佢優勝嘅地方：
⭐️Lotion係偏向追求清爽唔黏笠嘅感覺、方便日常使用（唧嘴包裝都係for方便），但喺呢個目標下，有做到足夠嘅滋潤度。
⭐️而Cream係偏向追求高滋潤度（大樽口包裝都係for可以一次可以挖一大pat），但喺呢個目標下，佢都唔會係用落感覺非常笠。

以佢哋嘅價錢嚟講，同款產品之中，係少數可以平衡到呢兩方面嘅，所以我係推薦嘅，只係買lotion定cream就要睇返你個人需求去決定。