CeraVe

長效滋潤修復霜

不嬲都知道CeraVe是一個抗敏的醫學牌子，之前都有機會試過佢哋嘅修復乳和洗面乳，印象幾唔錯。今次用佢地嘅修復乳和修復霜，效果一如以往地可靠👍🏼而且價格相宜、每日搽都唔肉痛😳以後有暗瘡或者敏感都會好放心繼續用

✔️質地：💧（5💧滿分是水狀超清爽無感，1💧是濃稠膏狀）修復霜比較濃稠，是膏狀的，唔會難推開，稍微有黏膩感但也快吸收嘅👌🏼（下圖左邊修復乳、右邊修復霜）

✔️用法：我主要用黎搽身，因為面用左修復乳已經覺得幾夠🤗 $215容量有成340ml 好抵，大甖到覺得幾個月都應該搽唔完😂 如果超級乾肌嘅話，都可以搽面


✔️包裝：罐裝比較不衛生、所以習慣沖完涼手乾淨先用

✔️成分&功效：雖然佢係好傑嘅膏狀，但係都唔會好難推開亦都唔會泛白，捽幾下就好快吸收。潤得黎又唔會好笠，夜晚搽完第二朝皮膚都仲係好柔軟，一直到第二日夜晚都達到長效滋潤。我手爭啲萬年甩皮乾燥都舒緩到🙊無再一塊塊魚鱗咁🙈個人覺得佢有少少滑，滑得黎又唔似silicone，感覺都唔錯。