CeraVe

長效滋潤修復霜

提到產品補濕能力，就會諗起CeraVe呢個品牌。呢款不含香料嘅長效滋潤修復霜，標明適合乾燥至非常乾燥肌。我自己慣常喺去角質之後，因為皮膚暫時變得薄弱，亦都較為乾燥，就會使用較為滋潤嘅護膚品，為皮膚好好保水。

呢款修復霜擠出嚟呈白色膏狀，看似較杰身，但好容易就可以推開。搽上面之後好快就俾皮膚吸收，有滋潤嘅感覺，但同時唔會覺得油笠笠，所以如果使用之後需要上妝，唔使太擔心會令到油光滿面咁。呢款修復霜滋潤得嚟，試用期間無出現過油脂粒（有時面霜太油潤，我就會出現油脂粒），皮膚keep住水潤狀態，值得推薦俾大家試用。