CeraVe

長效保濕面霜

今次好幸運抽中左 @cosme 既試用🙏🏻
屋企人一向都用開CeraVe呢個牌子既Body lotion而且大推，因為無香料味同搽完唔會痴立立。

呢個牌子既面部產品我係第一次試，本身我個人其實好懶護膚，本身個人好大汗搽完野上面好快就會覺得焗住，塊面爆汗。

佢個包裝用咗唧唧裝幾特別，好少見呢款包裝，平時多數都係牙膏裝多；唧唧裝我個人覺得方便好多。
質地算係水同膏中間，唧係手唔會流走，亦算易推開同埋無色。保濕功能方面算唔錯，就算訓醒一覺都唔會覺得塊面好乾，亦無乾紋出現。而且皮膚狀況變得穩定左，唔會好易就乾到痛。

搽完面膏有番皮膚光澤；雖然我都有少少出汗，但比其他同類產品都好好多，加上低敏配方令我更安心使用。

總括都對呢個產品係滿意既👍🏻