Benefit

絲絨柔霧滋潤唇釉

幸運地抽中試用Benefit Cosmetics呢個國際美容品牌既新唇釉系列， 分別有：
💄4色Plushtint絲絨 柔霧滋潤唇釉
💄3色Splashtint波光水漾滋潤唇釉
自己素唇一直都超乾，唇色偏淡，唇紋都比較明顯，基本上一年365日都要搽潤唇膏💄
七隻顏色全部試咗，個人比較偏愛暖色系列，上咀會比較 顯白，就分享吓3隻最鍾意嘅顏色啦🩷

Splashtint 05 暖和玫瑰色
喺冇搽潤唇膏嘅情況下，一搽上咀第一個感覺真係好水 呀，到推開搽晒成個咀之後，個嘴已經好水潤， 有光澤，有飽滿感， 唇紋都即刻冇咁明顯， 一d都唔覺得繃緊同黏膩， 喺冇進食嘅情況下，唇釉都能夠維持到數小時，不過就算進食過後，底色還在 ，不過都需要補 啦。

Plushtint 26 薔薇木色
呢隻一 搽上咀，真係有絲絨柔滑感覺，所以喺冇搽潤唇膏情況下直接上唇一d都唔乾，仲好容易推開，質感好滑 好幼細， 因為呢隻係啞色系，雖然唇紋還是會見到 ，但就多咗層霧化感，令顏色好實在，唔會有繃緊感覺，而持久度係冇進食下，都可以維持得非常之好。
12 Purrr 溫柔無花果色
同樣都係Plushtint系列 ，今次搽完用紙巾印一印，d色更加貼服實在 。