綠藤生機 Greenvines

活萃三日修護精華

多謝cosme短時間入面又抽中我試用產品🫶

近年開始護膚氣氛越嚟越主張簡單，成份天然同唔同功效嘅護膚油更加係愈黎愈普及，好多人都開始接納 ’’油’’呢一樣嘢，並且將佢加入為daily routine嘅一部份。混合肌而且容易敏感嘅我，為咗多啲時間瞓覺都用緊歐美小眾品牌嘅護膚油，務求一支油走天下😂😂

今次好開心可以認識到主張減法護膚嘅台灣品牌［ 綠 藤 生 機 ] ，試用佢哋嘅產品，以下係我嘅感想！

1. 活萃三日修護精華
聞落冇香味，好易敏感嘅我表示放心😂
質地比想像中厚，點知原來上面極大反差！唔崩緊唔癡笠笠，瞬間被皮膚吸收晒。有驚喜！

2. 綠色海洋精華油
天然草味，質地比較薄，流動性高，上面感覺潤，唔會油，但當然前提係要適量啦😂😂😂左: 修護 精華 右: 精華油

除左第一晚分開2 step咁用，之後我都係混合左先再上面，根據個人喜好調整水油比例。

早：2滴精華 + 2滴油（乾爽）
晚：2滴精華 + 3/4滴油 (潤d)

混合之後同樣被皮膚瞬間吸收，但因為有精華嘅幫助感覺比分開上更乾爽輕薄，皮膚都唔會油亮立立令，係溫和舒服嘅感覺。以上面感覺嚟講，香港春天咁潮濕都用得，不過冬天嘅話可能就唔夠潤啦。

用咗接近兩星期，皮膚的確比以前透亮，唔乾同冇甩皮情況，膚況穩定少左泛紅，望落氣息極好。不過因為皮膚比較多瑕疵，面頰毛孔比較大，平滑以及細紋淡化嘅效果就唔太明顯啦。

*推薦追求保濕而又要護膚品上面乾爽快吸收嘅你地
*推薦面部較少瑕疵而又追求皮膚穩定好氣息嘅你地