INNISFREE

綠茶籽透明質酸注水精華

非常感謝@cosme 今次比機會我體驗innisfree 新推出嘅綠茶籽透明質酸注水精華!打開支精華真係有點驚喜，依支精華竟然係玻璃樽！💕我個人每濕面後就會用2揼依隻精華，因為佢質地稀稀地，好容易推開，所以我個人覺得2揼就啱啱好。同時佢有淡淡地茶味，好好聞！👍🏻搽完上面之後佢好快就吸收晒，搽完之後塊面水潤得黎又唔會有黏笠感！

本身我個人T字位同鼻翼出油比較勁，但兩邊面頰敏感之餘又好乾，所以唔敢用好笠嘅護膚品，但係清爽一點嘅護膚品保濕力又唔夠好，所以面頰成日好快就會好乾…噴極補濕噴霧都冇用….
但係真心用左依支精華兩星期左右，面頰位冇左乾燥感之餘，T字位，由其係太陽穴同鼻翼位係明顯出少左油，依段時間亦都冇出現敏感情況！依隻精華嘅質地、油水平衡功效方面真係好滿足到我嘅需要💕如果有同我差唔多情況嘅人真心可以試下依隻精華！