CANMAKE TOKYO

絲滑眼影液

好開心收到CANMAKE嘅絲滑眼影液嘅試用

說實話，第一次用眼影液呢種產品，所以只可以其他眼影產品類型作比較，無法同其他品牌嘅眼影液作比較。

收到嘅係01號色，係隻好百搭嘅棕色。而呢一隻棕色帶有好閃嘅閃粉。試色上手，推開之後，算中等顯色。試用上眼，顯色度差不多。不過眼影液顯色嘅程度都好取決於用量&推開嘅快速程度。推開得慢/唔夠快嘅話，就會容易出現唔均勻/“一達達”嘅情況。講到呢度都要讚下呢枝眼影液，都算易推開，只不過真係唔可以太慢。

必須要講，呢一枝有閃嘅棕色眼影液，真係好閃，佢嘅閃粉比顏色更加明顯突出。日常番工未必太適合，反而夜晚出街又或者有特別場合都岩用好多。

眼影液有個好處就係唔飛粉，好貼服，妝效好持久，持久度完勝其他format嘅眼影。喺香港夏天嘅時候出入室內外8個鐘，出汗出油，幾乎完全唔影響佢嘅妝效。