CANMAKE TOKYO

閃爍亮彩眼影

好開心收到CANMAKE單色眼影嘅試用～
老實講，比較少用/買單色眼影，因為成日都覺得眼影都搭幾隻唔同顏色喺隻眼度，先叫化左眼妝。但係今次試用嘅眼影，令我有啲改觀！

收到嘅係閃爍亮彩眼影01，係有啲帶啡嘅香檳色。試色上手好顯色，上眼一樣好顯色。佢係有閃嘅眼影，除左顯色之外，都幾閃，不過係細細點嘅閃粉，都算係細緻嘅閃，而唔係大塊嘅閃粉。
質地方面，有啲奶油感，上眼好貼服，用手上眼影一下抺上眼就可以。如果想用呢粒單色眼影再疊加顏色上眼都可以，不過如果本身先上左用比較粉狀嘅眼影，就盡量唔好再疊加呢隻眼影上眼，容易令眼妝變得污糟。

講番個外型～
Size細細粒幾好，正正方方咁，亦都方便擺入化妝袋，完全唔佔位。不過我個人preference唔係好中意個外殼嘅設計。佢有啲大小不一嘅波波/泡泡喺面殼嘅上下方，透過光線都會有啲bling bling感，似係想行可愛少女風格，但個人覺得唔靚，重點係佢外殼嘅表面因為有泡泡/波波嘅裝飾所以凸起咗，無辨法疊起黎。

總括黎講～
眼影我中意，但外殼唔中意。