CANMAKE TOKYO

持久豐盈水潤唇膏

好開心收到CANMAKE持久豐盈水潤潤唇膏嘅試用～

今次試用嘅03號色

顏色上係偏桃紅色嘅感覺。試上嘴之後顯色度非常高，幾乎同肉眼睇上去唇膏嘅色一樣。唇膏係屬於光澤感類型，但無lipgloss 咁油光。
持久度方面，都算唔錯。始終係潤唇膏類，會痴口罩/水杯邊，但唔會完全係晒顏色，大概會留到一半左右。

話係潤唇膏，呢枝唇膏做到潤唇膏嘅效果！上嘴之後涼涼地有啲帶薄荷嘅感覺，唔會太刺激，係舒服果種涼涼地！唔需要先搽潤唇膏打底再搽呢枝，一枝做到有色而真係潤嘅潤唇膏，nice!

包裝方面，係帶有可愛嘅復古風格。用暗紅色加米白色為主調，配搭格仔花紋。唇膏蓋以絲帶蝴蝶結為裝飾。幼身嘅唇膏樽身，方便隨身攜帶，隨時補妝，放入手袋/小廢包完全無問題。

總括試用感～
用落感覺幾中意，尢其係搽上嘴涼涼地同夠顯色同夠潤！外殼包裝亦都好靚，好岩心！唯一就係03號色用喺我身上，我自己覺得有啲太紅，唔算太適合自己。