Kiehl's

特效保濕乳霜 (第3代)

多謝@cosme同KIEHL'S邀請試用Ultra Facial Cream特效保濕乳霜～
一直都有聽過KIEHL'S嘅保濕乳霜係好滋潤，最啱就係而家長期坐冷氣房嘅時候用。

因為Ultra Facial Cream特效保濕乳霜係第三代，橄欖油嘅成份多咗，令保濕及鎖水嘅效果特別明顯！我臨瞓前都有搽到，只需拎出少少，已經足夠搽晒成塊面，而且薄薄一層，已經可以做到保濕同鎖水。雖然佢嘅質地好似好偏油，但一推開就好快吸收，唔會話好油，到第二日起身都唔好覺得塊面被抽乾水份！好多時候我都會搽埋頸，可以feel到條頸嘅皮膚soft咗好多，而且乾紋都少咗！相信到秋冬季都好啱用。