INNISFREE

極致輕透粉底液 SPF20 PA++

我人生第一隻用嘅粉底液係Innisfree嘅極致輕透粉底液（色號21N），主要可以令塊臉冇咁暗啞。

個人認為呢隻粉底液都幾自然，不過其實韓妝嘅顏色不嬲都偏白，所以我通常用少量就已經可以上晒成塊面。

個人覺得遮瑕力一般，如果塊面有瑕疵或者斑嘅話都需要另外上遮瑕膏，但我平時比較懶嘅話通常上完粉底就算。

至於脫妝方面真係冇乜，全日帶妝之後又冇甩得好犀利，所以我覺得呢隻粉底液對於新手化妝嚟講嘅性價比都算幾高。