INTEGRATE

Pro finish BB Cream

本人係混合偏乾，兩頰位置偏乾，T字部位出油，但成日都搵唔到啱自己用嘅粉底液，所以前排產下轉用BB Cream，首次嘗試用BB霜代替粉底液，結果又唔差喎。

以前用粉底液我鼻翼兩邊都好快浮粉同甩妝，但最近轉用咗BB cream之後可能因為冇咁液態,所以鼻翼兩邊冇溶妝亦都冇咁易浮粉。

最近用緊日本Shiseido資生堂嘅INTEGRATE Pro Finish 7-in-1 BB Cream BB霜，真係好方便！佢有SPF50+ PA+++，，可以抵禦有害嘅紫外線，所以一支已經取代晒防曬、底霜等。呢支BB cream主打輕鬆遮蓋毛孔粗大、黑眼圈、色澤不均等問題，而且可以遮蓋暗沉同提亮膚色。不過佢都係遮唔到我啲雀斑、要另外上遮瑕（但係我懶所以通常都唔會特登再另外上遮瑕）。同埋最重點係我自己覺得用呢支做粉底之後個皮膚好靚，就好似原生肌膚一樣，官方都有主打呢隻BB霜有護膚效果同提亮膚色等作用。

我用嘅係1號明亮色，個妝感我好滿意，所以暫時我都會keep住用呢隻BB霜，擱置下我支粉底液先😂。不過我上網睇評論見到有人話用呢一支會生暗瘡或者粒粒，想講其實我頭兩三次用都有生少少粒粒，但之後皮膚適應咗就冇再生過。

嚟緊就快新年要過年，我已經決定咗拜年都係會用呢支BB cream！前排去日本旅行仲即刻回購咗❣️