Moist Diane

香水貴油夜間修復洗髮露

非常感謝@Cosme 今次比呢個機會我去試用Diane嘅髮質重構深層導入髮膜同香水貴油夜間修復洗髮露，之前都有試用過Diane嘅其他產品，所以對佢呢牌子出嘅美髮產品都有一定既信心。

本人頭髮係比較乾旱同脆弱，因為都有電染既緣故，因此使用產品嘅方式會係洗兩次頭髮後直接用髮膜代替護髮素使用。

先講洗髮露，洗髮露一唧上手好易就起泡，唔會覺得好乾燥/不適，洗完之後既頭髮會覺得乾爽同埋清潔度足夠，同時達到解髮結水潤嘅效果，仲有淡淡既精華油香味，有助入眠既效果。

至於髮膜方面，由於我係用髮膜代替護髮素，髮膜既效果更甚，雖然只用咗兩星期，覺得我嘅頭髮明顯有順滑咗，硬淨咗同甩少咗，而淡淡既白麝香更會停留係頭髮上一段時間，前一晚洗第二日朝早都仲有果浸淡淡既麝香味，係幾舒服好聞嘅☺️

總括而言我都會想繼續再用落去，睇下之後既效果。