INNISFREE

彈力緊緻輕盈面霜

多謝@Cosme 既試用邀請呢一款Innisfree - 彈力緊緻輕盈面霜 （Balloon Cream)。
之前都有用過呢個牌子嘅產品，知道佢嘅產品都比較天然，唔易敏感。今次試用佢呢一款面霜覺得感覺唔錯，從外觀上佢用咗磨砂嘅質感，拎上手比較重手， 從外觀上嚟講都幾唔錯。

至於試用上面既感想如下：
本人係乾性皮膚，天氣乾燥嘅時候容易會有少少敏感，我覺得呢一款面霜好適合依家呢啲比較乾燥嘅天氣使用，因為佢嘅質地比較滋潤同埋厚身，但又唔會話好難先吸收到，搽上面之後大概幾分鐘就可以完全吸收晒，吸收完之後唔會覺得好笠既感覺，呢個位都好加分，因為冬天 /春天通常都會需要一啲比較厚身但 又易吸收啲嘅面霜，佢呢一款就啱啱恰到好處，吸收完之後會覺得皮膚有啲彈性、飽滿同緊緻，當然要配合埋精華一齊使用效果會更好， 喺手度推開大概係以下呢幅圖片嘅感覺。