b.glen

長效防曬水潤肌精華

之前都想試下呢個牌子既產品，好多謝 @cosme今次比咗呢個機會我。

作為乾肌+輕度敏感肌嘅朋友仔通常揀防曬時都會揀啲比較滋潤嘅防曬嚟用，不過往往都會搽上面之後都會覺得有啲笠，作為上妝前護膚程序嘅最後一步，一支滋潤得嚟唔癡笠笠嘅防曬 都好重要。以下係我試完呢支防曬嘅感想：
呢枝b.glen長效防曬水潤機精華嘅質地係透薄、易推同埋水潤嘅，就咁喺手上推開都唔會話覺得好癡笠笠 ，喺依家呢啲潮濕嘅天氣下面都唔會話覺得好笠 。

搽咗上面之後嘅效果大概係咁樣：呢一款防曬唔會好似坊間啲防曬會有泛白嘅效果 ， 所以作為妝前使用係好適合嘅，同時間都有水潤舒適嘅感覺，唔會話好黏笠，亦都唔會話覺得好繃緊，肌膚表面依然水潤清爽。同時間由於呢支防曬屬於高防曬 系數， 所以戶外活動時使用都可以達致防曬嘅效果，搽住玩完一日之後 都唔會覺得皮膚有明顯黑咗嘅情況出現， 喺呢一點上嚟講都係幾唔錯嘅產品。