CLARINS

賦活精華眼霜 2In1

多謝 @cosme 今次既試用邀請，試用今次呢一款CLARINS 賦活精華眼霜2 In 1。

首先，從外觀而言，圓形嘅樽身拎上手唔會好跣手，細細樽方便攜帶，去旅行都方便使用，同埋佢嘅設計每一次泵嘅份量都唔會好多，通常泵一至兩下就可以足夠雙眼使用 。

其次，從質地及使用感 而言，呢一款眼霜係精華，加眼霜結合，兩者混合使用，質地上嚟講唔會話好難推開，用喺雙眼度好快就被吸收晒，吸收完之後會有啲緊致同保濕嘅效果，同埋幾鍾意推開有淡淡嘅花香味，從個人而言覺得呢種味道再配合按摩嘅手法令到雙眼好舒服放鬆，由於暫時雙眼未話有黑眼圈，所以未能評價呢一方面。但至於保濕同緊致到而言，如果要評分嘅話我都會比8分，覺得用咗幾日之後雙眼明顯冇咁乾燥，眼角既乾 紋有所改善到，同時有提亮雙眼嘅效果。作為一個比較少用眼霜嘅乾肌人士，我認為呢一款眼霜會較為適合，因為比較滋潤，相比只使用眼霜，呢款二合一嘅眼霜比較方便。

將眼霜同精華混合完推開嘅效果如上圖 ，比較滋潤，易推開。