SOFINA Primavista

霧光潤澤粉底霜

感謝@cosme邀請我參與「霧光潤澤粉底霜」試用活動， 而呢個產品係既特別之處就係以氣墊滾輪上妝！雖然吾肯定其他品牌有冇，但都比多左大家多一個上妝工具既選擇。

先講講本人近期皮膚問題 同狀況：
膚質：局部性偏油，特別係額頭、鼻頭位置吾洗幾個鐘就開始呈現油光。臉硤、鼻翼容易乾燥甩皮，而臉硤都容易泛紅。近排生理期更出現暗瘡，痘印。以呢個情況上底妝容易吾貼服/容易浮粉。
產品包裝：
一共有2盒，其中一盒係粉底霜+氣墊滾輪，另一盒就係粉底盒（雙層連鏡，一層放粉底霜，一層放氣墊滾輪）。粉底盒不是正常的長方柱體，側面看像是梯形柱體。
產品體驗：
收到產品後我連續試用了最少7天，期間亦有加強護膚。

剛開始吾係好識點用，特別係第一次使用時，用氣墊滾輪係粉底霜上滾左幾下都好似冇咩色。但原來因爲是新開封，建議首次使用係粉底霜上用少少力滾多幾下。
工具柔軟舒服，上妝自然。遮瑕度偏低，需要另加遮瑕。以大面積的範圍，如臉硤、額頭位置上妝貼服自然。係鼻翼，唇邊位置要少少技巧，寧願少量多次使用，避免出現粉底不均勻的情況。


上完粉底後，建議等候數分鐘形成薄膜（吾會黏）或者上定妝。粉底霜融合皮膚後，效果更佳。

我就建議呢款粉底霜係日常使用，新手嚟講都容易上手。不過呢段試用期閒發現一個問題，始終每次都係會用返同一個氣墊滾輪，如果清潔不適當，滾輪上或者粉底霜表面容易積聚毛髮或者塵埃。