SOFINA Primavista

霧光潤澤粉底霜

今年開始轉會試下Sofina嘅產品，用過Primavista系列嘅乾粉餅真係返唔到轉頭。今次見Cosme有Sofina嘅產品試用，又有個碌碌幾過癮咁就即刻登記啦！開頭真係滿心期待，但用落坦白講係失望嘅！
首先估唔到佢個粉底係要用膠水痴落個盒度，一不小心就搞到成手膠水痴笠笠，仲要好容易鬆，完全唔係卡實係個盒度嘅。
個碌碌質地幾有彈性，碌上面感覺舒服嘅，不過要碌好多下先有少少色，如果要成塊面好均匀上晒色嘅就真係要好多心機同時間，每朝早都趕時間出門嘅朋友真係要再諗下先。同埋個碌同粉底好易痴毛，如下圖咁碌咗幾日就痴晒毛，個碌碌又唔知點洗，洗咗又無第二樣野replace到，諗起都覺得唔多衛生。Btw遮瑕度好一般，如果要效果好啲嘅真係要碌好多浸，碌得黎不如用返乾粉算了。保濕方面亦唔覺特別好，反而碌多兩碌個感覺係黏笠而唔係保濕。總括而言如果閣下係慢活派，平時又有好多閒餘時間唔知做咩好嘅，不妨買黎試下，碌下碌下真係幾過癮架！其實都好想俾高分啲架，奈何在下唔係呢個派別，所以只好俾兩星了。