YSL BEAUTÉ

升級版夜間修復精華 (捱夜急救精華)

依支新版夜間修復精華真不愧係捱夜急救精華！

本人都屬於生活工作壓力大，加上經常夜訓嘅上班族，即使日夜有簡單護膚，但皮膚都系會有暗粒，暗啞，膚色不均。另外，新陳代謝 都慢咗，暗瘡印都要好耐先淡。

趁@cosme 體驗活動，體驗下新版有咩特別。
用前搖勻咗啲水油性精華，好似見到精華閃閃地✨✨，泵咗2-3下落手心，搓均按壓上面。
發現一啲唔油膩，易推同時好快吸收。
由於有兩種溫和甘醇酸&乳酸嘅成份，在頭兩晚使用，會有啲啲吉吉地感覺，代表發揮緊佢哋嘅去角質功效，但又無發紅，又無敏感出現。
用完第二朝，暫時未見效果。
第三晚，開始已經無咗吉吉地嘅感覺。
直到用咗一星期，感覺整體皮膚平滑咗，細緻咗，暗粒&暗瘡印都少咗淡咗。

的確比舊版更快見到效果，絕對係平滑肌膚，加促深層代謝嘅好幫手💪🏻

而係抗氧化&修復肌膚蛋白增生方面嘅功效，係短暫內未可以知道效果。我會留意遲下長期使用嘅朋友嘅心得。