YSL BEAUTÉ

升級版夜間修復精華 (捱夜急救精華)

感謝@cosme抽中試用YSL夜間修復精華(*´˘`*)
就睇外表佢係精華液同精華油上下兩層分開,每次用之前都要搖勻先好用啊~

用落呢支精華嘅質地好似水咁,流動性好高
雖然質地似水,但佢唔洗用好多已經可以搽曬成塊臉,我試用裝大約幾揼左右就夠
揸完嗰刻感覺到佢係輕薄同好快吸收,特別係額頭啲乾燥位,快吸引到會忍唔住揸多次xd,隔一陣就會有滋潤感出黎,但唔會好笠
(冬天可能要留意返,揸到落甩皮位會有少少少少少少刺痛感,但只係少少完全係可接受範圍xd)
氣味清香,個人覺得幾好聞~

近排11月尾公司忙成日捱夜,確實感覺到自己皮膚狀態係冇咁好,有黑眼圈 同皮膚有啲黃,試用左呢款修護精華大約一個禮拜之後係有感覺!!!
平時係日常洗臉爽護水後就搽精華,明顯膚色冇之前咁暗沉同有光澤左,最近天氣乾燥,搽完訓醒都仲好水潤,鼻翼兩側面頰嘅毛孔細左,就咁用眼睇未必睇得清分別,但用手摸摸得出皮膚係滑左㗎!
本身我下巴一直都反覆有暗瘡問題困擾,亦都留低左唔少暗瘡印,用左一個禮拜之後,感覺下巴啲暗粒好似少左,暗瘡印都微微淡左,期望之後用落去會帶比我更多驚喜~


上面係啱啱好生完暗瘡
下面係用左大約一星期後