YSL BEAUTÉ

升級版夜間修復精華 (捱夜急救精華)

首先多謝Cosme今次抽中我有試用 呢枝精華嘅機會(⁎⁍̴̛ᴗ⁍̴̛⁎)
而家se m尾期間 好多deadline要chur， 試用嘅呢個星期7日入面都通咗3-4晚頂 ´д` ; 不過正正係咁就可以測試吓呢啲捱夜精華 可唔可以幫我維持捱夜之後嘅肌膚狀況

先講吓質地，呢支精華 分成兩層， 稍為搖下就會融合埋一齊， 吱上手唔會好笠，偏水狀，但係有少少香味（唔算刺鼻） 。雖然佢有油分，但係搽上面都唔油膩同唔笠，但有少少俾油封住嘅滋潤感。

雖然我膚質 係混合偏油 ，但因為皮膚較簿嘅關係，呢支精華入面有酸嘅成份，所以第一次用有輕微刺刺的感覺 ，之後嘅試用都有先用保濕精華 打底就冇再有吉吉地

使用前
使用後
始終我keep住捱夜再加埋就嚟M 到，所以避免唔到 有新嘅暗瘡粒生出嚟 ，黑眼圈都重咗😢 但係用咗七日之後最明顯感覺到就係整體膚色提亮左，有種透透地嘅光澤感，唔會有捱夜嗰種暗黃同印堂發黑嘅感覺😳 仲有就係查完第二日皮膚係好細緻好滑 ，喺係咁捱夜嘅情況下都 可以平衡到 令本身 啲暗粒收返入去/唔會繼續惡化 。至於收毛孔嘅效果就要期待之後試用耐啲 再睇 🙆🏻‍♀️