YSL BEAUTÉ

升級版夜間修復精華 (捱夜急救精華)

Thank you @cosme抽中 試用YSL新升級Pure Shots

捱夜急救精華。
我用左10日後寫評價。試用期間撞正黎M加展會OT冇假放，休息不足生痘痘。

依個產品係有一浸精華油，使用前記得記得要搖均先呀！搖完之後就係圖2右邊果枝嘅樣。

我用捱夜急救精華前係冇用爽膚水，直接用佢再加平時用嘅保濕。早幾日突然潮濕，就只搽捱夜急救精華已經夠潤。依個產品雖然有油，但搽上面係好快吸收，一啲都會覺得笠👍🏻👍🏻

睇介紹依款產品有甘醇酸，雖然有酸，但產品溫和，用後唔會甩皮。其中有幾晚搽嘅時候有少少吉吉地嘅感覺，過左一陣就冇左，介紹話係正常嘅。而依隻酸嘅作用係溫和去除表皮老化角質，用左10日係完全感覺到依個功效，塊面係滑左嘅。

亦感覺到依個產品有加快痘痘代謝、減淡痘印、收細毛孔、提亮膚色嘅功效。

其實第一晚用後第二朝係唔覺有咩分別，用左一星期後先開始覺得有改善，相信長期使用，皮膚狀況會有更明顯嘅轉變。