MAYBELLINE

SUPERSTAY 超持久30H空氣感粉底液 (月光小紫瓶)

十分感謝 @Cosme 俾我參與到今次嘅活動！

包裝🎀
超級可愛！淡紫色加上磨砂玻璃樽好啱我心水🤣同以往嘅style好唔同，多左啲可愛元素，但又保持到高級感～💜

色號🎨
今次收到C20、N20、N30～如果你平時係用開韓國粉底21號、，或者係Maybelline Fitme 110色嘅話，以上三隻色對你嚟講應該會太黑 ，你要搵再白啲嘅色號～ 本身以為C20可能都OK，點知都係太黑。但如果你鍾意自然色，咁都可以考慮下！
（可以參考吓superstay C20同 Fitme 110嘅對比圖！）
有少少可惜係，今次未能試到適合我嘅色號 😢
（補充：客服超有心！立刻聯絡我同寄返合適嘅色號俾我😍）
質感 🍼
今次係主打空氣感持妝 ，所以明顯感覺到質地係比以往嘅粉底都較輕薄 。但相對地，遮瑕度就會降低咗，但 配合返 遮瑕液 問題就應該不大！因為始終佢主打輕薄 ） 另外，搽上臉嘅時候都感覺到保濕度高咗， 同時又唔會同我用開嘅遮瑕液打交！ 👍🏻

使用感🙌
（我係 油性皮膚，但冬天皮膚會較乾燥）
可能係因為天氣關係，平時我係冬天用其他持妝粉底液都會比較乾同卡粉，但superstay 持妝之餘， 又可以keep到冇乾紋。但有少少問題係，佢薄到會 令到你嘅皮膚狀況更加明顯，所以會比較適合皮膚冇瑕疵、或者係過幾日皮膚狀況唔錯 嘅朋友使用～ 如果要出席特別場合 ，可能選用返遮瑕度高啲嘅粉底會更加適合！