BOBBI BROWN

維他命營養柔亮精華

今次收到bobbi brown 嘅維他命營養系列，同時試用咗維他命營養底霜+ 維他命營養柔亮精華🌿
自己好期待今次嘅活動 ，因為一直都聽人講話呢個系列超好用，好適合做妝前打底。

我平時妝前只會用爽膚水抹一抹，再搽一層薄嘅普通日霜就完，但呢個程序對於經常會生粒粒嘅我嚟講唔係好有用😢因為喺啲痘痘位置上妝嘅時候都係會卡粉😔所以希望bobbi brown可以幫我改善呢個問題。

第一次搽上臉嘅時候，會有種喇喇地嘅感覺，但對我嚟講應該係反映我塊臉真係太乾😂因為第二日搽已經冇咁喇，加上皮膚都冇紅/痕，所以應該係正常現象。另外，佢有種好清香嘅橘子味！🍊

質感方面，精華係偏向清爽啲，流動性好高，搽完上臉都好快就吸收到。面霜就偏補濕少少，可能係天氣關係，面霜需要乳化一下，搽上臉先會更加輕薄+同時又做到補濕。一齊用嘅話，對我嚟講會有少少油，需要俾啲時間皮膚去吸收，有時我都會用時間印一印，印走多餘嘅油份，避免加速融妝。

最surprise我嘅係用完佢打底，之後上粉底真係順左好多！唔會卡粉！帶妝本日都冇斑駁/拔乾，反而係因為出油而有少少脫妝，但係脫得好靚、好均勻個種！唔知你明唔明🤣🤣

總括而言，我係十分推薦的！💜🫶