freeplus

雙效平衡肌能露

多謝@cosme抽中及freeplus送出雙效平衡肌能露供試用。今次係我第一次使用freeplus嘅產品，肌能露係一款水油混合嘅保養品，用之前要先搖勻，樽口設計容易控制分量，倒出黎係有少少厚度嘅液體，推開後有明顯水珠。
因為我有化妝嘅關係，習慣洗面後會用爽膚水做返二次清潔先，再用肌能露，上面推勻後初初會有少少油咁，但之後好快就吸收晒會變得清爽，由於唔駛再搽其他保養品，感覺成塊面好輕好似少咗負擔咁。特別適合唔想有太多護膚程序嘅人使用😆

滋潤度方面如果係唔駛化妝嘅日子係ok嘅，但因為都比較多要化妝嘅日子，加上試用時段天氣較乾燥，使用後上妝會比較乾，令到底妝唔貼容易出油，會等天氣回暖時再使用。