INNISFREE

彈力緊緻輕盈面霜

非常多謝Cosme今次俾機會我試用 ”速效抗痘精華” 同 “彈力緊致輕盈面霜”🥰

首先支修復精華係用泵頭嘅設計，用起嚟好方便，平均用一至兩泵就已經可以搽晒成塊面同頸。修復精華係含有A醇，積雪草同維他命B5係裏面。本身都擔心用起嚟會敏感，結果無之餘仲覺得毛孔細緻左光滑左。搽嘅時候覺得有少少立立地，但就好快吸收晒。支精華有一種淡淡嘅清香好舒服，唔會覺得太 濃味(好驚搽護膚品有好重香味)
推介指數:5/5🌟🌟🌟🌟🌟

而嗰彈力緊致面霜係一個磨砂面玻璃樽嘅設計，都有啲重量嘅。個面霜就含有海藻膠原同綠茶神經酸銨。就佢個輕盈嘅賣點，個人就覺得比想像中杰身嘅gel cream狀。不過搽上面都好容易推開。對於油性混合性皮膚嘅我喺冬天用就啱啱好，夏天嘅話就有機會太潤。至於效果嘅話呢，搽咗接近兩星期，覺得皮膚有明顯Firm咗同有彈性咗。
推介指數:3/5🌟🌟🌟