ARMANI Beauty

設計師光感修護粉底液 SPF 15 / PA+++

好多謝被@cosme抽中試用ARMANI BEAUTY既DESIGNER GLOW設計師光感修護粉底液

我用既色號係2.5，比較貼近我原本既膚色。我本身既膚質係混合肌，鼻頭同兩頰會有輕微出油，同埋最近兩頰有少少印。

粉底亦有柔和既香味，唔會係好濃烈令人唔舒服既味道，亦唔係化學既味道，我幾鍾意依個香味。防曬SPF 15/ PA+++，需要係使用前再用有高少少防曬度數既BASE打底。

粉底我採用指尖塗抹，質地好水潤透薄同易推不卡粉，好自然貼服，好快成膜，唔會黏笠，有D似塗緊面霜既質感。顏色不死白，好自然，好似有種自然既水潤感同光澤。塗一層已經有大約七成既遮瑕度，再係重點想遮既印上面輕點幾下，就大約可以去到全臉八成遮瑕。

全日基本上冇出油，直到夜晚妝容大致完整，都冇暗沉亦唔會覺得乾，都係會有光澤感。