SK-II

光蘊臻采煥亮精華 (小燈泡亮白精華)

好高興今次有機會抽中由@Cosme 提供嘅SK-II 小燈泡亮白精華試用活動o(^▽^)o本身係乾燥肌，但最近天氣反覆，一時潮濕一時又乾燥，所以試用期間皮膚都唔係好穩定。而且平時用護膚品都需要少少時間適應，尤其普遍嘅美白產品都會令肌膚更乾，所以都有啲擔心會過敏，不過今次試用SKII 新一代小燈泡精華真係有驚喜！

精華質地偏乳液狀， 推開之後吸收得好快，厚薄適中，比一般美白產品舒服，仲有一定嘅保濕力；後續再搽面霜都吸收得幾好，唔會話好乾/油。好似上面提到，因為最近天氣問題同本身好驚會敏感，所以一開頭試用都比較保守啲，淨係夜晚用，過左幾日確認無問題後先早晚都用，建議如果好容易有敏感問題嘅朋友，都可以試下慢慢滲入去用，令皮膚有翻啲適應時間。

早晚用左一星期後，肌膚明顯變得透亮左，少左暗啞嘅感覺，泛紅情況都有改善，非常期待之後繼續用嘅效果～