MENTHOLATUM 曼秀雷敦

蜂蜜保濕舒緩酵素面膜

多謝cosme抽中我試用曼秀雷敦嘅新mask。我係混乾肌，呢排轉季用多咗mask，希望皮膚可以穩定少少，基本上每2日就敷一次。

首先講一講塊mask，個size比日本嘅大，但比韓國嘅細少少，對於我嚟講啱啱好。而mask上面嘅精華唔會多到滴，但敷完15分鐘又啱啱好吸曬 (但未吸乾)。我自己係好中意呢2點。

到塊mask嘅效果，蜂蜜呢款mask 添加咗麥盧卡蜂蜜，含豐富營養嘅氨基酸同礦物質成分，可以提供保濕鎖水功效，同時有舒緩效果，肌膚即時水潤柔滑。呢款mask打開真係有淡淡嘅蜂蜜味，另外我覺得呢款提亮效果比山茶花嗰款更明顯。而且肌膚水潤度都keep得幾好，化妝會更加貼服。

另外值得一提嘅係佢不致敏，因為我今年係乾到敏感🥲so far用咗我都冇敏感冇紅，而且$60/6塊 CP值極高，有時仲見到Mannings有discount，絕對會回購！