MENTHOLATUM 曼秀雷敦

山茶花亮白淨化酵素面膜

好多謝cosme抽中我試用兩款萬秀雷敦面膜。本身都有用過同牌子其他系列既蘆薈面膜，感覺都唔錯，所以對今次呢兩款新面膜期待度都好高。
我既皮膚係混合偏油肌，T字位油，兩額偏乾，近期轉天氣，時乾時濕，就有泛紅同毛孔比較粗大既問題。
試用左一個多星期，覺得呢一款山茶花亮白淨化酵素面膜補水好好，無論朝早定夜晚都好適合敷。面膜紙算薄，好貼面，而且好多精華，多餘既精華用黎搽頸都好足夠。相比蜂蜜保濕舒緩酵素面膜，呢款山茶花面膜質地較薄身，適合夏天熱同潮濕既季節用。
整體黎講，呢款面膜敷上面感覺好溫和，唔會敏感，有即時補水、幫肌膚提亮既效果，精華亦好快吸收，清爽但補濕，而家初夏開始用都好啱。推介，會回購！