MENTHOLATUM 曼秀雷敦

蜂蜜保濕舒緩酵素面膜

好多謝cosme抽中我試用兩款萬秀雷敦面膜。本身都有用過同牌子其他系列既蘆薈面膜，感覺都唔錯，所以對今次呢兩款新面膜期待度都好高。
我既皮膚係混合偏油肌，T字位油，兩額偏乾，近期轉天氣，時乾時濕，就有泛紅同毛孔比較粗大既問題。
試用左一個多星期，覺得呢一款蜂蜜保濕舒緩酵素面膜有驚喜，由其係有一日天氣開始稍熱，溫度似初夏既時候，出完街全日，返到屋企發現皮膚泛紅同乾燥，沖完涼立即敷呢款面膜。面膜紙算薄，好貼面，而且好多精華，敷緊既時候已經feel到幫緊皮膚補水，敷左一陣已經睇到皮膚開始降紅，真係做到產品所寫既舒緩效果，多餘既精華用黎搽頸都好足夠。
整體黎講，呢款面膜敷上面感覺好溫和，唔會敏感，有即時補水、舒緩皮膚既感覺，精華亦好快吸收，就算質地較濃厚都唔會痴笠笠，秋冬同埋而家轉季既天氣都好適用。推介，會回購！