YVES ROCHER

木莓水漾亮澤護髮醋

感謝@Cosme嘅試用邀請 YVES ROCHER 「木莓水漾亮澤護髮醋」。
收到呢款產品嘅時候，其實都有啲擔心 會唔會聞到好酸醋味 ，因為係醋😅
結果係諗多咗，完全冇醋嘅味道，反而似係好甜嘅糖果味。（個人建議產品名如果冇個醋字會好啲 ）

質地係水液體，洗完頭護髮素之後，擰乾頭髮少少，將 YVES ROCHER 木莓水漾亮澤護髮醋直接倒落頭皮度，產品樽口的設計已經考慮周到，蓋只留了一個小孔，就算直接倒落頭髮度都可以自己控制個量 。倒落頭皮後，呢個髮醋糖果莓味道，將之前洗完頭髮嘅洗髮露同埋護髮素嘅味道已經完全蓋住了。。。
跟住用10隻手指喺頭皮度按摩，有少少凍凍地，但係感覺到有滲入頭皮嘅感覺，再捽一捽頭髮，好清新，之後沖水抹乾淨頭髮吹乾。
由於呢個產品唔係日日用，只係隔兩三日用，所以我只係用咗三次。用咗同未用嘅分別就係用完之後頭皮乾爽咗好多，油脂分泌冇以前咁多，保持頭髮清爽比未用前耐啲。
用咗之後頭髮光澤度有提升 ，唔會好似枯草咁，光澤度100分。
呢個產品最主要係對頭髮健康同埋頭皮健康的保養，所以耐唔耐用一下對頭皮及頭髮係唔錯的 。